မြန်မာတပြည်လုံး မီးတွေ ထလောင်နေပြီ

မန္တလေးမြို့ ရတနာပုံဈေး နှင့် MICT Park တို့မှာ ဒီနေ့ (တနင်္လာ) မနက်ပိုင်း ၈ နာရီ ၁၅ မိနစ်မှစတင်ပြီး မီးများစတင်လောင်ကျွမ်းခဲ့တာ အခုအချိန် ထိ ဆက်လက် လောင်ကျွမ်းနေဆဲဖြစ်ကြောင်း ကြားသိရပါတယ်

ရတနာပုံဈေး အမ်အိုင်စီတီပတ်ခ် ထဲက ကွန်ပျူတာ သင်တန်းခန်းမှာ မီးစက် ဓာတ်ဆီလောင်းရာက စတင်မီးလောင်ကျွမ်းတာ ဖြစ်တယ်လို့ သိရကြောင်း မီးလောင်ရာသို့ သွားရောက် ကြည့်ရှုသူ မြို့ခံတဦးက ပြောပါတယ်။ အာဏာပိုင်များထံမှ သီးခြားအတည်ပြုချက် ရယူနိုင်ခြင်း မရှိသေးပါဘူး။

လောလောဆယ်တော့ MICT Park, Ray World Office Complex နဲ့ Relex တို့ ကတော့ ကုန်သလောက်ဖြစ်သွားပြီလို့သိရပါတယ်
ရတနာပုံဈေးနဲ့ Skywalk shopping Mall တွေလဲကုန်မယ့်ပုံရှိနေပါပြီ ရပ်ကွက်ထဲကိုပါ ကူးတော့မယ့်အလားအလာရှိပါတယ်
လောင်တဲ့ အကြောင်းအရင်းက MICT ထဲကသင်တန်းကဝါယာရှော့ဖြစ်တာလို့ လဲပြောနေကြပါတယ်

မြို.ခံတဦးရဲ. အပြောအရဆိုရင်တော့ ကြံ့ဖွံ့နဲ့ စွမ်းအားရှင်တွေက ကူညီသလိုလိုနဲ. ပစ္စည်းတွေကို လုယူပြေးကြတယ်လို့လဲ ဖုန်းကနေတဆင့် ပြောပြခဲ့ပါတယ် (မနက် ၁၁း၄၀)

မန္တလေးမြို့ ရတနာပုံဈေးမှာ မီးလောင်ပြီးခါစမှာဘဲ ရန်ကုန်မြို့ လှိုင်သာယာ စက်မှုဇုံ အမှတ် (၄) အနီးရှိ ရေအုတ်ကန်ရွာမှာလဲ မီးလောင်မှု ဖြစ်ပွားပြီး အိမ်ခြေ ၂ဝဝ ကျော် ပျက်စီးပြီး လူဦးရေ ၃ ထောင်ခန့် အိုးအိမ်မဲ့ ဖြစ်သွားပါတယ်

ရေအုတ်ကန်ရွာမှာရှိတဲ့ အခန်းပေါင်း ၁၆ ခန်းရှိ နှစ်ထပ်ဆောင်ကစပြီး ဒီနေ့မနက် ၇ နာရီခွဲမှာ မီးစတင် လောင်ကျွမ်းခြင်း ဖြစ်ပြီး
အိမ်ခြေ ၂ဝ၁ လုံး ပျက်စီးကာ လူဦးရေ ကျားမ ၂၉၆၉ ဦး အိုးအိမ်မဲ့သွားခဲ့ပါတယ်။ ( Mizzima )

မြိတ်ခရိုင် ပုလောမြို့နယ် အမှတ်(၁) ရပ်ကွက်မှာလဲ ၂၄ရက်နေ့ နေ့လည် ၁ နာရီ ခန့်မှာ မီးလောင်ကျွမ်းပါတယ်။
အိမ်ခြေ ၁၀၀ ခန့် ပါသွားတယ်လို့ သိရပါတယ် ( မြိတ် Blog ) (ဟစ်တိုင်)

ရတနာပုံဈေး ရဲ့ အရှေ့ဖက်ဝင်း ထဲ မှာ လဲ မိးလောင်ပြန်တယ်တဲ့ မီးတွေဆက်တိုက်လောင်လျက်ရှိနေတယ် လို့ သိရပါတယ် (နေ့လည် ၂ နာရီ )

နောက်ဆုံး မန္တလေးက ဝင်ရောက်လာတဲ့သတင်းကတော့ ဈေးအပြင်ကို ကူးလုဆဲ မီးကတော့ ငြိမ်းသွားပါပြီတဲ့
ဒါပေမယ့် အတွင်းမှာကတော့ ဆက်လက်လောင်ကျွမ်းနေသေးတယ်လို့သိရပါတယ်

နောက်ထပ်သတင်းများကိုလဲ ကျွန်တော်နဲ့ ပြည်တွင်းက ကျွန်တော့်မိတ်ဆွေ တွေ အပူတပြင်း စုံစမ်းပေးနေပါတယ်

လောလောဆယ်တော့ ဘာကြောင့်စလောင်တယ်ဆိုတာ သေချာမပြောနှိုင်ကြသေးပေမယ့်
စစ်အစိုးရရဲ့ တိုင်းရင်းသား တပ်ဖွဲ့တွေကို စွတ်စွဲ ဖို့နဲ့ တိုင်းပြည် ဆူပူအောင် လှည့်ကွက်တခု လုပ်တာလို့
မြန်မာ့ နိုင်ငံရေး ကျွမ်းကျင်သူများက သုံးသပ်နေကြပါတယ်

လောလောဆယ်တော့ ရရှိထားတဲ့ ပုံတွေကို တင်ပြပေးလိုက်ပါတယ်
နောက်ထပ်ဝင်ရောက်လာမယ့် သတင်း နဲ့ ပုံတွေ ရသမျှ ကိုလဲ အချိန်နှင့် တပြေးထဲတင်ပို့ပေးပါ့မယ်
မန္တလေး မြို့သူမြို့သား အပေါင်းတို့ အသက်အိုးအိမ် စည်းစိမ်မကွာ ကျန်းမာချမ်းသာ ကြပါစေဗျာ

ဆုတောင်းလျက်

မျိုးချစ်

သတင်း နှင့် ဓါတ်ပုံများ အတွက် ပေးပို့သူ အမျိုးချစ်သူ နဲ့ ကိုကို၊ ဗီဒီယို ပေးပို့သူ ကို နစ်နေမန်း တို့ကိုလဲ အထူးကျေးဇူးတင်ရှိပါတယ်