9:48 AM
Please click on photo to ENLARGE!
သတင်း နှင့် ဓါတ်ပုံ များအား ကိုကျော်သူ မှ မေတ္တာဖြင့် ပေးပို့သည်
ဦးဇော်ထွန်းလင်း၏ ဇနီး ဒေါက်တာ စုစုရီသည် ပျဉ်းမနားမြို့တွင် စတုဒီသာကျွေးမွေး လှူဒါန်း ခြင်းနှင့် မိဘမဲ့ကလေးငယ်များ ကူညီစောင့်ရှောက်ရေး ဘုန်းတော်ကြီးကျောင်းများသို့ စဉ်ဆက်မပျက် လှူဒါန်းမှုများ ပြုလုပ်နေသော ဒါနရှင်၊ ကုသိုလ်ရှင်တစ်ဦး ဖြစ်သည်။
၇.၇.၂၀၁၁ (ကြာသပတေး) နေ့တွင် ဒေါက်တာ စုစုရီသည် မွေးမိခင် ဖခင် ဦးခင်ဝင်း + ဒေါ်ရီရီ (မိသားစု) တော်ဝင်အိမ်ရာ ၄၁ ရပ်ကွက်၊ မ/ဒဂုံမြို့နယ်တို့အား အမှူးထား၍ လူမှုရေးလုပ်ငန်း များကို ကိုယ်ကျိုးမဖက်လုပ်ဆောင်နေသော နာရေးကူညီမှုအသင်း(ရန်ကုန်)သို့ လှူဒါန်းလိုသည့် စိတ်ဆန္ဒအရ မိမိ၏ ၀င်ငွေများထဲမှ လှူဒါန်းရန်အတွက် သီးခြားဖယ်ထားသော ငွေကျပ် ၂၀၀၀၀၀/-(နှစ်သိန်း) နှင့်ညီမျှသော ထမင်း ကြက်သားဟင်း၊ ၀က်သားဟင်း၊ အချဉ်ရည်ဟင်း၊ တို့စရာများတို့ဖြင့် စုံလင်စွာ နာရေးကူညီမှုအသင်း(ရန်ကုန်)ရှိ သုခအဟာရ စားသောက်ဆိုင်တွင် အသင်းသူ/သားများ၊ ၀န်ထမ်းများနှင့် သုခကုသိုလ်ဖြစ်ဆေးခန်း(ရန်ကုန်)သို့ ဆေးဝါးလာရောက်ကုသကြသော လူနာများ၊ လူနာရှင်များ စုစုပေါင်း (၂၀၀) ကျော်တို့ကို နေ့လည်စာ အဟာရဒါနအဖြစ် ဒေါက်တာ စုစုရီနှင့် တပည့်များကလာရောက်ကာ ကုသိုလ်ဖြစ် ဧည့်ခံကျွေးမွေးခဲ့သည်။
ထိုကဲ့သို့ ကျွေးမွေးလှူဒါန်းမှု အပေါ်တွင် အလှူရှင် ဒေါက်တာ စုစုရီသည် ယခုကဲ့သို့ အများအကျိုးကို ကိုယ်ကျိုးမဖက် ပေးဆပ် နေသော နာရေးကူညီမှုအသင်း(ရန်ကုန်)ကို လှူဒါန်းခဲ့မှုမှာ ပထမဦးဆုံးသော လှူဒါန်းမှုဖြစ်ကြောင်း မိမိသည်လည်း အလွန်ဝမ်းမြောက် ပီတိဖြစ်ခဲ့ရကြောင်း၊ မိမိ၏ စိတ်သည်လည်း အလွန်ပျော်ရွှင်မှု ပီတိကို ဖြစ်ပေါ်လာကြောင်းနှင့် မိမိကိုယ်တိုင် ဤအသင်းတွင် အများနည်းတူ လုပ်အားဒါနများ ပေးလှူချင်စိတ်များ ပေါ်ပေါက်လာကြောင်းတို့ကို ထက်သန်စွာ ပြောကြားသွားခဲ့သည်။
ထိုထိုသော ကောင်းမှုကုသိုလ်အတွက် နာရေးကူညီမှုအသင်း(ရန်ကုန်)၊့ သုခကုသိုလ်ဖြစ် ဆေးခန်း(ရန်ကုန်)နှင့် (၇) ရက်သားသမီး ဆေးဝါးလာရောက်ကုသသူ အပေါင်းတို့၏ သာဓု … သာဓု … သာဓု ဟုခေါ်ဆိုလိုက်သံသည် ပဲ့တင်ထပ်သွားပါတော့သည်။
ကျော်သူ
Posted in: 
Posts
0 comments:
Post a Comment